Gwamnan jihar Kano Alhaji Abba Kabir Yusuf ya sanya hannu akan dokar kasafin kudin shekarar 2025 ,kasafin da ya tasamma sama da naira biliyan 719.
Gwamna Yusuf ya amince da sanya hannu akan kasafin ne bayan majalisar dokokin Kano tayi kari akan dokar kasafin daga sama da naira biliyan 549 zuwa naira biliyan 719.
Karin kasafin kudin ya biyo bayan korafe korafen da jama’a da kungiyoyi sukayi na bukatar hakan , lokacin sauraren ra’ayin jama’a da aka shirya a majalisar dokokin Kano a ranar 12 ga watan Nuwanba na 2024
Gwamnan na Kano ya gabatarwa majalisar dokokin Kano kasafin ne a ranar 8 ga watan Nuwanba na shekarar 2024 ,daga nan Kuma hukumomi da ma’aikatun gwamnatin kano suka kare abinda aka tura musu.
Bangaren Ilimi shine yafi jan kaso mafi tsoka da kashi 31 cikin 100 na kasafin .
Yayinda yake sa hannun a gaban yan majalisar dokokin kano karkashin jagorancin Shugaban majalisar Jibiril Isma’ila Falgore, gwamna Yusuf ya tabbatar dacewa a ranar 1 ga watan Janairun sabuwar shekarar 2025 kasafin zai fara aiki
Tunda farko Shugaban majalisar dokokin Kano Hon Falgore yayi fatan cewa kasafin zai taimaki mutanan kano a shekarar ta 2025
Gwamna Yusuf ya nemi dukkanin ma’aikatun da suke da alhakin aiwatar da kasafin da aka tura musu ,suyi kyakkyawan amfani dashi yadda ya kamata.
Kasafin kudi mai taken ,kasafin sabunta guiwa da kawo cigaba a bangaren ayyukan raya kasa , Gwamna Yusuf ya godewa yan majalisar abisa aikin da sukayi wajen amincewa da shi akan lokaci a kasa da wata biyu.
Gwamnan ya kuma tabbatar dacewa , kasafin zai maida hankali wajen , inganta tattalin arzikin jama’ar Kano da samar da aikinyi ga matasa da walwalar jama’a da yaki da talauci da kuma yunwa.
Ya kuma godewa al’umar Kano,da sauran kungiyoyin fararen hula da suka taimaka kasafin kudi ya tabbata.
A karshe ya godewa manema labarai abisa gudunmowar da suke bayarwa.